Myndi Sjónvarpið stokka líka upp í Rolling Stones?

Guði sé lof fyrir að Rolling Stones eru ekki á samningi hjá Sjónvarpinu í vetur. Þá hefði allt eins mátt búast við að Ron Wood þyrfti að taka pokann sinn í skiptum fyrir einhvern yngri og frískari spilara, jafnvel konu. Mick hefði hins vegar lifað af verktakasamninginn sinn og trúlega Keith líka. Meðal annarra orða: trúir því einhver lifandi maður að Sjónvarpið geti stokkað upp í Spaugstofunni án þess að Spaugstofuliðar sjálfir geti rönd við reist?!

Spaugstofan verður ekki söm eftir að Randver er horfinn fyrir borð. Það er óhjákvæmilegt að fyrrverandi félagar hans og Sjónvarpið segi söguna alla. Ekkert spaug er að sjá á bak góðum róna og stofufélaga um helgar í tvo áratugi.

Athugasemdir

[jonas (IP-tala skráð) 13.9.2007 kl. 17:37]

það er eitthvað til í þessu.

[Kjartan Eggertsson, 13.9.2007 kl. 20:27]

Það er rétt hjá þér að Spaugstofan verður ekki söm.  Svo missir maður áhugann á að horfa.

[Anna Björk (IP-tala skráð) 13.9.2007 kl. 22:09]

Þetta er algjört rugl, hvernig stendur á að ,, félagar " Randvers taka í mál að einn af áhöfninni sé skutlað fyrir borð? Ef þetta er á móti þeirra vilja láta þeir þetta ekki viðgangast.

[Björn Björnsson (IP-tala skráð) 13.9.2007 kl. 22:14]

Þetta er allt um peninga, því miður.

[María Kristjánsdóttir, 14.9.2007 kl. 00:09]

Það var hringt í mig í kvöld og sagt að hann væri orðinn of gamall! Trausti veðurfræðingur hefði líka verið rekinn af því hann var of gamall. Þar hafið það, sel það ekki dýrara en ég keypti.

[Gamlinginn (IP-tala skráð) 14.9.2007 kl. 11:02]

Held að það þyrfti þá að fara að slétta úr hrukkunum á umræddum Þórhalli. Satt best að segja hélt ég að það væri einokunarrisanum það mikilvægt að halda Spaugstofunni inni, að þeir gætu kannski sett sín skilyrði.