Af klof(nings)bragði hér og þar

Ef Samfylkingin á Akranesi hefði boðið Gísla Einarsson, fyrrum alþingismann sinn, fram  sem bæjarstjóraefni í bæjarstjórnarkosningunum væru Skagamenn upp til hópa  á því að flokksforystan hefði dottið á höfuðið á einu bretti eða tapað glórunni af öðrum ástæðum. En af því Gísli er nú óvænt orðinn bæjarstjóraefni Sjálfstæðisflokksins er allt eins víst að hann verði maður kosninganna á Akranesi. Kjósendur á Íslandi hafa nefnilega jafnan verið býsna ánægðir með allt sem lyktar af uppreisn og klofningi í stjórnmálaflokkum. Ef sjálfstæðismönnum og bæjarstjóraefninu þeirra tekst í kosningabaráttunni öðrum þræði að koma klofningsstimpli á Samfylkinguna í bænum getur það hæglega skilað viðbótarfylgi.  Það sýnir reynslan - oft og mörgum sinnum. Ef Samfylkingunni hins vegar tekst vel upp getur útspil sjálfstæðismanna verið upphaf að floppi. Látum oss sjá hvað gerist.

Á Akureyri er Baddi kokkur orðinn oddviti vinstri-grænna til bæjarstjórnar eftir að hafa fellt bæjarfulltrúa flokksins í prófkjöri. Þetta kann að vera ávísun á þokkalegt fylgi í kosningum af því háttvirtir kjósendur hneigjast til að verðlauna þá sem leggja til atlögu gegn foringjum í eigin flokkum. Innkoma Badda á sviðið á Akureyri ber ýmis einkenni innanflokksuppreisnar og hann uppsker að líkindum atkvæði sem ekki hefðu að óbreyttu verið greidd flokknum VG. Baddi er óráðin gáta í kosningunum á Akureyri en vinstri-grænir hins vegar nokkuð þekkt stærð. Látum oss sjá hvað gerist.

 Utar við Eyjafjörð, í Svarfaðardal og nágrenni, er kominn fram framboðslisti hóps fólks sem á sér/hefur átt bakland í Samfylkingunni, Sjálfstæðisflokknum og víðar. Þetta er ágæt uppskrift og hefur meðal annars ákveðin einkenni uppreisnar/klofnings í Sjálfstæðisflokknum. Það getur virkað á háttvirta kjósendur eins og dæmin sýna. Svo er bæjarstjóraefnið álitlegt, Svanfríður Jónasdóttir, sem sat um árabil á þingi fyrir Samfylkinguna og fór með vitið í sjávarútvegsmálum og fleiru úr þeim þingflokki þegar hún sneri sér að öðru. Ég hef enga stefnuskrá séð frá þessu framboði og þarf ekki að berja slíkt plagg augum til að spá að því muni farnast vel í kosningum. Þá ber jafnframt að gæta þess að meirihluti Framsóknarflokks og Sjálfstæðisflokks er pólitískt gjaldþrota og flestir bæjarfulltrúar hans flúnir til fjalla. Flóttamönnunum datt ekkert betra í hug áður en þeir hlupu frá rústunum en auglýsa Húsabakkaskóla til sölu korteri fyrir kosningar. Nær því er ekki hægt að komast að setja sjálft ráðhúsið á Dalvík á pólitískt nauðungaruppboð og Svanfríður á sannarlega verk að vinna þegar þar að kemur. Látum oss sjá hvað gerist.

Athugasemdir

[Þórir Jónsson (IP-tala skráð) 28.4.2006 kl. 19:07]

Verður fróðlegt að vita hvort Dalvíkingar flytja mat af Suðurlandi eður ei í ungviðið á staðnum næsta vetur. Þegar þessa dæmalausu matarflutninga dalvískra ber á góma bresta menn gjarna í hlátur og gildir þá einu hvort íslenskir eru að uppruna ellegar útlenskir. Pólskt vinafólk okkar, sem reyndar er neytendur í dalhellsku eldhúsi og láta svona misjafnlega af, kvað líku saman jafnað að elda mat í Krakow og borða hann í Slupsk!

[Þórir Jónsson (IP-tala skráð) 28.4.2006 kl. 19:08]

Verður fróðlegt að vita hvort Dalvíkingar flytja mat af Suðurlandi eður ei í ungviðið á staðnum næsta vetur. Þegar þessa dæmalausu matarflutninga dalvískra ber á góma bresta menn gjarna í hlátur og gildir þá einu hvort íslenskir eru að uppruna ellegar útlenskir. Pólskt vinafólk okkar, sem reyndar er neytendur í dalhellsku eldhúsi og láta svona misjafnlega af, kvað líku saman jafnað að elda mat í Krakow og borða hann í Slupsk!

[Þórir Jónsson (IP-tala skráð) 28.4.2006 kl. 19:23]

Verður fróðlegt að vita hvort Dalvíkingar flytja mat af Suðurlandi eður ei í ungviðið á staðnum næsta vetur. Þegar þessa dæmalausu matarflutninga dalvískra ber á góma bresta menn gjarna í hlátur og gildir þá einu hvort íslenskir eru að uppruna ellegar útlenskir. Pólskt vinafólk okkar, sem reyndar er neytendur í dalhellsku eldhúsi og láta svona misjafnlega af, kvað líku saman jafnað að elda mat í Krakow og borða hann í Slupsk!

[Þórir Jónsson (IP-tala skráð) 28.4.2006 kl. 19:23]

Verður fróðlegt að vita hvort Dalvíkingar flytja mat af Suðurlandi eður ei í ungviðið á staðnum næsta vetur. Þegar þessa dæmalausu matarflutninga dalvískra ber á góma bresta menn gjarna í hlátur og gildir þá einu hvort íslenskir eru að uppruna ellegar útlenskir. Pólskt vinafólk okkar, sem reyndar er neytendur í dalhellsku eldhúsi og láta svona misjafnlega af, kvað líku saman jafnað að elda mat í Krakow og borða hann í Slupsk!

[Þórir Jónsson (IP-tala skráð) 28.4.2006 kl. 19:23]

Verður fróðlegt að vita hvort Dalvíkingar flytja mat af Suðurlandi eður ei í ungviðið á staðnum næsta vetur. Þegar þessa dæmalausu matarflutninga dalvískra ber á góma bresta menn gjarna í hlátur og gildir þá einu hvort íslenskir eru að uppruna ellegar útlenskir. Pólskt vinafólk okkar, sem reyndar er neytendur í dalhellsku eldhúsi og láta svona misjafnlega af, kvað líku saman jafnað að elda mat í Krakow og borða hann í Slupsk!

[Atli Rúnar (IP-tala skráð) 29.4.2006 kl. 09:10]

Sunnlendingar hlæja sig margir hverjir máttlausa yfir þessum snillingum í bæjarfélagi við Eyjafjörð sem sjá sér hag í að þvælast með hádegismat skólabarna þvert yfir landið á sama tíma og skólar í sjónmáli við matarfabrikku skipta ekki við hana. Það segir sína sögu að þetta mál komst í þorrablótsannál þarna í héraði og þá þannig að bæjarstjórinn á Dalvík hefði frétt af ,,happy hour" á sveitakrá á Suðurlandi og pantað gin & tónik til Dalvíkur. Hann kvartaði svo yfir því að klakinn var bráðnaður þegar glasið kom norður í sendibílnum, sem í voru líka kjúklingalappir (ein á mann) fyrir æskublómann í skólanum. Og Sunnlendingar veltust um af hlátri. Ég sagði hins vegar við heimildarmann minn á þorrablótinu að ef marka mætti það sem undan væri gengið í ráðhúsinu á Dalvík virtist það hreint ekki vitlausara en margt annað að panta gin & tónik í glösum að sunnan....

[Þórir Jónsson (IP-tala skráð) 29.4.2006 kl. 22:09]

Þarf nú ekki Sunnlendinga til að bresta í hlátra stóra. Slíkt gerist líka miklu nær vettvangi. Hvað varðar happýáur syðra gæti ég allt eins trúað því að bæjarstjóri hafi boðið út gin-, tónik og klakaútvegun á evrópska efnahagssvæðinu og ekki fengið neitt tilboð fjær en frá téðri krá og þá auðvitað tekið því og fengið lappirnar í kaupbæti, sem vísast þó Samkeppnisstofnun bannar. Þessi útboðsvitleysa sem tíðkast núumstundir er fyrir löngu komin óravíddir út yfir alla skynsemi. Maður bara bíður eftir því að „kotbóndanum“ á Hofsá verði gert að bjóða út hérlendis sem erlendis akstur skarns á hóla Hofsártúns.