Fiskidagurinn á Dalvík

Dalvíkingar fóru á kostum í gestrisni á Fiskidaginn mikla. Oft hefur verið gaman en aldrei sem nú. Súpukvöldið mikla á föstudaginn, skilgetið afkvæmi samkomunnar, er einstaklega velheppnað uppátæki og eiginlega með ólíkindum að fólki skyldi detta þetta í hug, hvað þá að hrinda slíku í framkvæmd. Fiskideginum mikla er ekki hægt að lýsa, hann verður bara að upplifa. Myndir segja heldur ekki nema hálfa sögu og tæplega það. Hér til vinstri (undir Ýmsar myndir) eru nokkur skot frá Dalvík. Þar á meðal fylgdi Álftlendingur Bessastaðahjónum, Ólafi og Dottit, eftir um hríð þegar þau röltu um hafnarsvæðið í fylgd Hilmars Daníelssonar.

Athugasemdir

[Davíð Jóhannsson (IP-tala skráð) 26.8.2006 kl. 20:06]

Sæll frændi, ekki hef ég lifað annan viðlíka dag og fiskisúpföstudagskvöldið, og þá líka laugardaginn þegar við hittumst fyrir flugeldasýninguna, færðu þakkir til þinna fyrir skemmtilega kvöldstund.
Er búin að skoða myndina af nafna og er komin með aðrar eldri, greinlega áður en hann veikist og missir hárið, og þar er hann með nikkurnar sínar.
Kveðja
Davíð Jóhannsson.