Ekki-frétt á fréttamannafundi

Ómar Ragnarsson greindi frá því dag að hann taka eindregna afstöðu gegn Kárahnjúkavirkjun og hætta þar með að fjalla um umhverfismál í sjónvarpsfréttum. Tæpast var það nú tilefni blaðamannafundar því það hefur ekki farið fram hjá neinu mannsbarni, sem fylgist á annað borð með, hvaða skoðun hann hefur á virkjuninni eystra.  Þetta var því að minnsta kosti fimm ára gömul frétt. Hitt er ferskara að hann ætli sér nú að stofna stjórnmálaflokk, systurflokk vinstri-grænna! Það fer nú að minna á gamla góða daga þegar hér voru til stjórnmálasamtök í fleirtölu með ákveðnum greini. Þau unguðu út öðrum samtökum sem auðkenndu sig með því að setja byltinguna í sviga. Móðurfélagið hét sem sagt KSML (Kommúnistasamtökin Marxistarnir-Lenínistarnir) en afleggjarinn þeirra kallaði sig KSML(B): Kommúnistasamtökin Marxistarnir-Lenínistarnir (byltingarsinnarnir). Er þá nokkuð fráleitt að Ómar og Bubbi  Morthens stofni vinstri-græna (b) og leggi út á hið pólitíska úthaf?

Athugasemdir

[Þórir Jónsson (IP-tala skráð) 25.9.2006 kl. 18:49]

Þá myndi maður fyrst vita hvað maður á að kjósa!