Hafnfirðingar og Vaðlaheiði

Það eru mikil tíðindi að hafnfirskir kjósendur skyldu ofan á allt annað hafa greitt atkvæði um hvernig staðið skyldi að jarðgangagerð gegnum Vaðlaheiði. Skyldu þeir hafa verið klárir á því sjálfir? En það má segja Samfylkingunni til hróss að nú er komið á samræmi í afstöðu frambjóðenda flokksins í norðurlandskjördæmunum til ríkisforsjár/einkarekstrar í samgöngumálum. Áður hefur komið fram að Samfylkingin í Norðvesturkjördæmi vill þjóðnýta Hvalfjarðargöngin og þá skar nokkuð í augu að Samfylkingin í Norðausturkjördæmi gæti á sama tíma hugsað sér Vaðlaheiðargöng sem einkaframkvæmd með tilheyrandi veggjöldum. En nú hefur sem sagt komið skýrt fram að ríkisvæðing skal það heita, bæði undir Hvalfirði og Vaðlaheiði. Og þá veit maður það að frjálslyndi jafnaðarmannaflokkurinn er í það minnsta ekki alveg nógu frjálslyndur til að þola einkarekstur á samgöngusviðinu. Það er nú það og svo er nú það.

Samfylkingin vill að ríkið kosti Vaðlaheiðargöng

Athugasemdir

[Ragnar Bjarnason, 3.4.2007 kl. 21:37]

Já mikil eru tíðindin að ég tali nú ekki um frjálslyndið

[Ámundi (IP-tala skráð) 3.4.2007 kl. 22:52]

Það er mjög ósanngjarnt að sumir landsmenn þurfi að greiða fyrir samgöngur meðan aðrir ekki, því er þetta spurning um alla eða enga.

[Guðrún Magnea Helgadóttir, 5.4.2007 kl. 16:10]

Af hverju er ekki bloggurum gefinn kostur á að svara eða senda athugasemdir varðandi spurningar þínar um hvarf Geirfinns Einarssonar?

Http://mal214.googlepages.com... Það er erfitt að komast í gegnum spillingu íslenskra stjórnmála!